Vistvænar leiðir við byggingu á nýjum Landspítala
Í umfjöllun Fréttablaðsins kemur fram að við byggingu nýs Landspítala verði notaðar stafrænar lausnir við úrgangsstjórnun. Meðan á framkvæmdum stendur er allur úrgangur sem fellur til flokkaður í að lágmarki sjö flokka samkvæmt BREEAM-staðli.
Jónína Guðný Magnúsdóttir, framkvæmdastjóri hjá Terra, segir að þetta vinnulag á flokkun úrgangs marki þáttaskil þegar kemur að stafrænum lausnum í úrgangsstjórnun til þess að fylgjast með endurvinnsluhlutfalli og með öllum akstri úrgangs frá svæðinu.
Terra sér um úrgangsstjórnun á framkvæmdasvæðinu í samstarfi við Eykt sem er framkvæmdaaðili uppsteypunnar og við verkkaupa sem er NLSH.
Mynd: Jónína Guðný Magnúsdóttir framkvæmdastjóri viðskipta- og þjónustusviðs Terra